حطي اللوز في المية المغلية وبعد الوصفة دي مش هتشريه تاني وهتوفري كل فلوسك. في حلة نضيف، لتر من المية المغلية ونضيف عليها اتنين كوب لوز، ونسيبهم يغلوا على النار ربع ساعة. بعد الربع ساعة نطفى النار ونخلطهم كويس بالهاند بلندر لحد ما يتحول معانا لون أبيض زي اللبن. بعد كدة نجيب مصفى ونصفي السائل ده كويس جدا والباقي في المصفى أوعي ترميه، نفردة في صينية طبقة رفيعة جدا. بعد ما نفردة ندخلها الفرن ربع ساعة درجة 170. وكل دقيقتين نطلع الصينية ونقلب فيها كويس عشان تتحمص من كل جهة. نطلع الصينية ونضيف الا في الصينية في المطحنة ونطحنه كويس جدا لحد ما يتحول معانا دقيق. وكدة عملنا دقيق لوز بنشتريه غالي جدا من برا وكمان عملنا لتر من لبن اللوز، بجد وصفة كنز بمكون واحد عملنا وصفتين، وصفة صحية ومغذية جدا وتقدروا تعملوا بيهم وصفات كتير صحية وللدايت. قولولي تدوا الوصفة كام من 10؟