ალკოჰოლის შესახებ რამდენიმე ფაქტს გეტყვით, რაც საქართველოში დიდი ალბათობით არ მოგვეწონება. ჩვენ საქართველოში ალკოჰოლთან, რა თქმა უნდა, განსაკუთრებული ტრადიციული და ხშირად რიტუალური რაღაცნაირი აღმატებული და მისტიური დამოკიდებულება გვაქვს, რაც არ არის გასაკვირი, ცხადია, ღვინის სამშობლოში სხვაგვარად ალბათ ვერც იქნებოდა. თუმცა სანამ ვიღაცისთვის ერთი ჭიქა ღვინო უბრალო განტვირთვაა, სხვებისთვის ეს ყოველდღიური მძიმე ბრძოლა შეიძლება იყოს გადარჩენისთვის ალკოჰოლიზმის და ალკოჰოლზე დამოკიდებულების გამო. და ზოგადადაც ზედმეტი არაფერი ვარგა, მათ შორის რომანტიზებაც, ამიტომ ყველაფერთან ერთად უნდა გვახსოვდეს შემდეგი ფაქტები ალკოჰოლზე. ალკოჰოლის არც ერთი წვეთი არ არის სასარგებლო და ერთი ჭიქა წითელი ღვინის სარგებლიანობა ცრუიანია. ალკოჰოლის მიღება ზრდის როგორც გულ-სისხლძარღვთა დაავადებებს, ისე კიბოს რისკებს. განსაკუთრებით საყურადღებოა ასაკი, მოზარდები, რომლებიც მას 15 წლამდე იწყებენ, გაცილებით დიდი რისკის ქვეშ არიან, რომ ზრდასრულობაში ალკოჰოლდამოკიდებულები გახდნენ, ვიდრე ისინი, ვინც 20 წლის შემდეგ იწყებენ ალკოჰოლთან ურთიერთობას. ოფიციალური სტატისტიკით საქართველოში ალკოჰოლის მოხმარების საერთო გავრცელება საკმაოდ მაღალია და ის 78,5%-ს შეადგენს. საქართველოში მაღალი ალკოჰოლის რეგულარული მოხმარებისთვის ვწყვეტთ 2016 წლის კვლევის თანახმად ალკოჰოლს რეგულარულად მოიხმარდა გამოკითხული მოსახლეობის 39% და მძიმე ეპიზოდური სმის პროცენტული მაჩვენებელი დაახლოებით 18%-ია. ხშირად გვგონია, რომ ალკოჰოლი გვამხიარულებს, მაგრამ სინამდვილეში ის დეპრესანტია და ანელებს ტვინის აქტივობას და ბევრ ადამიანში დეპრესიას კიდევ უფრო აღრმავებს და ამკვრივებს. სტატისტიკა ძალიან მძიმეა, ადამიანები, რომლებიც ალკოჰოლთან დაკავშირებული მიზეზებით იღუპებიან, საშუალოდ 24 წლით ნაკლებს ცოცხლობენ. აპრილი ალკოჰოლის შესახებ ცნობიერების ამაღლების თვეა, ამიტომ გახსოვდეთ, მოიხმარეთ მაქსიმალურად მცირე, უსაფრთხო დოზები და დააკვირდით თქვენს გარშემომყოფებს. თუ შენიშნავთ ალკოჰოლდამოკიდებულების ნიშნებს და ფიქრობთ, რომ ზედმეტად ბევრს მოიხმარს ვინმე ალკოჰოლს და ამას ვერ აკონტროლებს, აუცილებლად გადაამისამართეთ სპეციალისტთან. თქვენმა ყურადღებამ შეიძლება ვიღაცის სიცოცხლე გადაარჩინოს. აქვე შეგახსენებთ, რომ მე ექიმი არჩილ მარშანია ვარ, შეგიძლიათ შეკითხვები დამისვათ და გიპასუხებთ ხოლმე. დროებით.